Сұрақ-жауап

  • Сұрақ №: 50761
    Дата: 05.11.2019 16:23:02
    Аты-жөні: Аманжолов Берик
    Сұрақ:
    Мен, Аманжолов Берик Аманжолович 2007 жылы «Альянс» банктен несие алып, алған несиемді сол уақытта жауып тастаған болатынмын. Бір қателігім түбіртегін сақтап қоймаппын. Қазіргі таңда жеке сот орындаушысы Ержанова Салтанат Ибрагимовна менің жалақымды бұғаттап қойды. Сол баяғы 2007 жылы алынып төленген несиені қайта төле деп талап қойып отыр. Мен төлеп біткен несиені қайта төлеуге қаражатым жоқ. Бүгінде менің жалақымның 50 пайызын «Каспий банк» ұстап отыр. Себебі «Каспий банктен» несие алып отбасылы жағдайма байланысты төлей алмай қалғанмын. Сол себепті жалақымның 50 пайызын банктен ұстап қалады. Қолыма жалақымның жартысы ғана түседі. Өзім алты баланың әкесімін. Әлеуметтік жағыдайы төмен отбасымын. Отбасын асыраушымын. Бір балам Қызылорда М.Маметова атындағы гуманитарлық коледже ақылы оқиды. Қаражаттың жоқтығынан екінші баламды оқыта алмай отырмын. Төрт балам кәмелетке толмаған. Енді мен балаларма нан алып бермек түгілі өз басымды асырауға да мүмкіншілік болмай қалды. Менің арызымды қарап , заң аясында көмек беруіңізді сұраймын.
    Жауап күні:
    12.11.2019 - 18:04
    Жауап:
    Құрметті Берік Аманжолұлы! Сіздің жеке сот орындаушы С.Ержанованың әрекеттері жөнінде Қызылорда облысы прокурорының блогына түскен өтінішіңіз қаралды. «Прокуратура туралы» Заңның 21-бабының 1-тармағына сәйкес прокуратура органдары өтініштерді орны толмас зардаптар (адамдардың өміріне, денсаулығына және еліміздің қауіпсіздігіне), сондай-ақ шектелмеген адамдар қатарының немесе өзін дербес қорғай алмайтын (физикалық, психикалық және өзге жағдайлар) адамдардың құқықтарының бұзылуы жағдайларында қарайды. Осыған орай Сіздің өтінішіңіз «Жеке және заңды тұлғалардың өтініштерін қарау тәртібі туралы» Қазақстан Республикасы Заңының 7-бабының 6) тармағына сәйкес негізінен қарау үшін Қызылорда облыстық Әділет департаментіне жолданды. Қаралу нәтижесі туралы заңда көрсетілген мерзімде аталған органмен хабарланатын болады. Бұл жауаппен келіспеген жағдайда жоғары тұрған прокурорға немесе сотқа шағымдануға құқылысыз. Облыс прокуроры Н. Бижанов
  • Сұрақ №: 50732
    Дата: 29.10.2019 19:19:54
    Аты-жөні: Ағыбаева Майра
    Сұрақ:
    Құрметті Н.Д.Бижанов мырза!! Мен М.Қ.Ағыбаева 16.10.2019 жылғы онлайн режимінде жеке қабылдау өткізу туралы электрондық өтінішімді мəселенің Арал аудандық прокуратура қызметкерлері тарапынан ішінара шешілуіне байланысты уақытша қараусыз қалдыра тұруыңызды сұраймын. Қажеттілік туындағанда қосымша арызбен жүгінген болармын.
    Жауап күні:
    6 ноября, 2019 - 12:24
    Жауап:
    Рахмет, жауабыңыз қабылданды. Қажеттілік туындағанда қосымша хабарласуыңызға болады.
  • Сұрақ №: 50731
    Дата: 29.10.2019 17:35:02
    Аты-жөні: Жунисова Жансая
    Сұрақ:
    Саламатсыз ба облыс прокуроры. Мен Қызылорда қаласы Қауымбаев көшесі №3 (бұрынғы 59) үйдің тұрғыны Жунисова Жансая боламын. Бұл Коммунизм деп аталатын район. Біздің районның столбаларына жаз бойы модернизация жұмысын жүргізді. Барлық көшенің столбалары ауыстырылды. Бірақ тек біздің көшенің ғана столбалары ауыстырылмады. Айтсақ сметаға енбей қалғансыңдар дейді. Ал дәл біздің үйдің столбасы қисайып құлайын деп тұр. Тіпті дарбаза есігі толық ашылмайды. Себебі столба тіреп қалады. Солай тұрғанына біраз болды. Қанша арыздандық, қалалық ішкі саясатқа да жаздық. олар бізге жауапты мамандарды жұмсаған. Олар көреді де кетеді. Құламайды деп. Сонда біздің көшенің сметаға енбей қалғанына, столбаның құлайын деп тұрғанына ешкім жауап бермейді ме? Осындай заңсыздықтар кім тарапынан шешіледі. Сіз қадағалаушы органның басшысы ретінде осы мәселемізді шешіп береді деп сенеміз. Рақмет
    Жауап күні:
    12.11.2019 - 18:07
    Жауап:
    Құрметті Жансая Елубайқызы! Сіздің көше бойындағы бағананы ауыстыруға ықпал жасауды сұраған Қызылорда облысы прокурорының блогына түскен өтінішіңіз қаралды. «Прокуратура туралы» Заңның 21-бабы 1-тармағына сәйкес прокуратура органдары өтініштерді орны толмас зардаптар (адамдардың өміріне, денсаулығына және еліміздің қауіпсіздігіне), сондай-ақ шектелмеген адамдар қатарының немесе өзін дербес қорғай алмайтын (физикалық, психикалық және өзге жағдайлар) адамдардың құқықтарының бұзылуы жағдайларында қарайды. Осыған орай Сіздің өтінішіңіз «Жеке және заңды тұлғалардың өтініштерін қарау тәртібі туралы» Қазақстан Республикасы Заңының 7-бабының 6) тармағына сәйкес негізінен қарау үшін Қызылорда қаласының әкімдігіне жолданды. Қаралу нәтижесі мен қабылданған шаралар туралы заңда көрсетілген мерзімде аталған қалалық әкімдікпен хабарланатын болады. Бұл жауаппен келіспеген жағдайда жоғары тұрған прокурорға немесе сотқа шағымдануға құқылысыз. Облыс прокуроры Н. Бижанов
  • Сұрақ №: 50657
    Дата: 16.10.2019 18:07:51
    Аты-жөні: Ағыбаева Майра
    Сұрақ:
    Құрметті Н.Д.Бижанов мырза!! Мен М.Қ.Ағыбаева Арал ауданының прокуроры А.Б.Тəженов мырза мен оның көмекшісі Руслан Нұрланов мырзаның заңбұзушылықтарын,əрекетсіздіктерін және заңға қайшы жауаптарын жан-жақты, толық және объективті зерттеп оған баға беріп жауапқа тарту мақсатында онлайн режимінде жеке қабылдау ұйымдастыруыңызды сұраймын. Уақыттың тығыздылығына байланысты тездетуіңізді сұраймын.
    Жауап күні:
    29.10.2019 - 11:42
    Жауап:
    Сіздің онлайн режимінде жеке қабылдауды сұрап жазған өтінішіңіз прокуратурамен қаралды. 29.10.2019 жылы сағат 12:00-де Арал аудандық прокуратурасы арқылы Сізді облыс прокуроры бейне конференц арқылы қабылдайтындығы хабарланады.
  • Сұрақ №: 50633
    Дата: 11.10.2019 18:37:24
    Аты-жөні: Оңталап Дәуірхан
    Сұрақ:
    Шағым Мен Оңталап Дәуірхан Оңталапұлы констиуциялық құқығым тапталғаннан кейін шағымды жазуға мәжбүр болып отырмын. 2015 жылғы 6 мамырдағы № 790 санды Тасбөгет кенті әкімінің шешімімен Қызылорда қаласы, Тасбөгет кенті, «Өркендеу» Бау-бақша серіктестігінен жалпы көлемі 800 ш.м «бағбандық» үшін табысталған жер учаскесін, басқа тұлғаның жер учаскесімен қабатасқан соң, 2016 жылы 20 маусымда Қызылорда қалалық сотының № 2-2638/16 санды шешімі негізінде Тасбөгет кенті әкімінің 06.05.2015 жылғы № 790 шешімінің күшін жойды. Себібі Тасбөгет кенті әкімі аппаратының және Қызылорда қалалық әкімдігінің құжаттарға салғырт қарау есебінен, бөгде тұлғының жер учаскесімен қабаттасып маған және отбасыма моралдық, материалдық шығын келтіріп жан күйзелісін тудырып отыр. Отбасымызбен бағбандық жұмыспен айналысамыз деп жоспаралған едік. Алайда кент әкімдігінің қызметкерлерінің және Қызылорда қалалық әкімдігінің азаматтарға қалай болса солай жер табыстау және алдын-ала жер учаскесіне зерделеу жүргізбеу салдарынан менің конституциялық құқығым бұзылып отыр. Бұл ретте маған берілген Тасбөгет кенті әкімінің 16.11.2017 жылы жауабында, Қызылорда қаласы, Сабалақ өңірі аумағынан, бағбандық үшін жер учаскелерін табыстау уақытша тоқтатқаны туралы аталып өткен. Менің констиуциялық құқығымды таптап, Тасбөгет кенті әкімдігі, сот шешімімен менің жер учаскем қабаттасуы анықталып, басқа жер учаскесін табыстау туралы сотқа бірнеше рет шағым берсемде, менен кейін анықталған жер учаскесі қабатасқан азаматқа жер учаскесін табыстап отыр. Атап айтқанда, 28 ақпан 2018 жылғы арызы негізінде, 2018 жылы 14 шілдеде азаматша Примбаева Кулжан Баймұратоваға жер учаскесі қабаттасуына байланысты Тасбөгет кенті, Өркендеу бау-бақша серіктестігінен 800,0 сегіз жүз шаршы метр жер учаскесі, Тасбөгет кенті әкімінің шешімімен табысталған. Сонымен қатар, Тасбөгет кенті әкімі 2018 жылы тағы сот процессінде жалған ақпарат беріп , жер табысталған жатқан жоқ деп тағы бас таратады. Қазақстан Республикасының Конституциясының 6 бабының 1 тармағында көзделгендей Қазақстан Республикасында мемлекеттік меншік пен жеке меншік танылады және бірдей қорғалады. Мен өз тарапымнан барлық жер учаскеме қатысты құжаттарды заң талаптарына сәйкес дайындап мемлекеттік тіркеуден өткіздім. Қазақстан Республикасының Конституциясының 26 бабының 3 тармағында көзделгендей соттың шешімінсіз ешкімді де өз мүлкінен айыруға болмайды. Заңмен көзделген ерекше жағдайларда мемлекет мұқтажы үшін мүліктен күштеп айыру оның құны тең бағамен өтелген кезде жүргізілуі мүмкін. Бұл ретте, басқа тұлғаның жер учаскесімен қабаттасқанның өзінде, сол жер учаскесінің құнымен тең бағалы жер учаске берілуі керек деп ата-заңымызда кепілдік берілген. Алайда олда жоқ. Кент әкімдігі және Қала әкімдігінің қызметкерлерінің сеніп тапсырылған міндеттеріне салғырт қарауы салдарынан мен зардап шегіп, материалдық моральдық зиян шегіп отырмын. Жоғарыда аталған жер учаскесіне қанша ақша шығарып құжаттар дайындап мемлекеттік тіркеудін өткізіп жер учаскемді тегістеп қоршау жұмыстарын жүргіздім. Тасбөгет кенті әкімі П. Шамұратов ҚР Конституциясының бірінші бабын ұмытып, адамдарды бөле жара қарап сыбайластыққа жол беріп отырма деген күдік тудырады. «Жеке және заңды тұлғалардың өтiнiштерiн қарау тәртiбi туралы» Қазақстан Республикасының 2007 жылғы 12 қаңтардағы Заңының 4 бабының 4 тармағына сәйкес өтiнiштердi қарау кезiнде төрешiлдiк көрiнiстерiне және әуре-сарсаңға жол беріп менің заң алдындағы құқығымды таптап отыр. Сонымен қатар Тасбөгет кенті әкімінің алдына кіру үшін, екі үш рет барғанда азаннан – кешке дейін қала әкімдігінде жиналыста, недеген бітпейтін жиналыс халықпен кім жұмыс жасайды. Жауапты мамандар барлығын әкім шешеді деп қайтарады. Жоғарыда аталғандардың негізінде, Сіздерден, Қызылорда қаласы әкімдігі Жер қатынастары бөлімінің басшысының жауапты мамандарының, Қызылорда қаласының Тасбөгет кенті әкімінің және кенті әкімі аппараты жауапты қызметкерлерімен жауапты мамандарының заңға сәйкес тәртіптік жауапркешілігін қарауды; Қызылорда қаласы, Тасбөгет кенті, «Өркендеу» бағбандық серіктестігі аумағынан, «бағбандық» үшін жалпы көлемі 0,0800 га жер учаскесін беруді сұраймын. «Жеке және заңды тұлғалардың өтiнiштерiн қарау тәртiбi туралы» Қазақстан Республикасының 2007 жылғы 12 қаңтардағы Заңында көзделген мерзімде жауап беруді сұраймын. Шағымданушы Д. Оңталап Қызылорда қаласы, Арай мөлтек ауданы Камал Шукенов көшесі № 132 үй тұрғыны Оңталап Дәуірхан Оңталапұлынан ЖСН: 881110300508 Тел: 87013837020 Сенім хат бойынша өкілі Н. Байменов Тел: 87072534220
    Жауап күні:
    11.11.2019 - 19:42
    Жауап:
    Құрметті Дәуірхан Оңталапұлы! Сіздің шағымыңыз бойынша, Қызылорда қаласының жер қатынастары бөлімі мен Тасбөгет кенті әкімі аппаратының әрекеттеріне (әрекетсіздіктеріне) келтірген шағымыңыз Қызылорда қаласы прокуратурасының 18.10.2019 жылғы №2-10-19-07515 санды хатымен Қызылорда қаласының әкімдігіне қарауға жолданды.

Беттер