Сұрақ-жауап

  • Сұрақ №: 47635
    Дата: 20.12.2018 11:05:02
    Аты-жөні: Аманжолов Берік
    Сұрақ:
    Құрметті облыс пркуроры! Мен 2010 жылы генеральный доверенность арқылы Ваз 2104, № N878HLM, 2002 жылғы автоколік сатқанмын. Қазіргі таңда сол автокөлікті сатып алған адам атына аударып алмағандығы, бұл машинаның налогы менің атыма жазылып жатқандығын білдім. ГОВДға барып арыздандым. Автокөлікті шектеуге қойды. Бірақ көлікті тауып налогын төлететін түрлері жоқ. Уақыт өтіп бара жатыр. Осы көлікті тауып берсеңіздер екен. Қызылорда қаласы Ст.Қараөзек Аманжолов Берік Тел: 87087017373
    Жауап күні:
    2018-12-24
    Жауап:
    Б.А. Аманжоловқа Қызылорда қаласы Қараөзек станциясы 87087017373 Құрметті Берік Аманжолұлы! Сіздің, Қызылорда облысы прокурорының блогына орналастырылған бұрын сатып жіберген автокөлігіңізді тауып беруді сұраған өтінішіңіз қаралды. «Қазақстан Республикасының ішкі істер органдары туралы» Қазақстан Республикасы Заңының 6-бабының 2-тармағының 11-тармақшасына сайкес, көлік құралдарын тоқтатуға және тексеріп қарауға, адамдарды көлік құралдарын басқарудан шеттетуге, көлік құралдарын пайдалануға тыйым салуға, көлік құралдары мен жаяу жүргіншілердің жүрісін уақытша шектеуге немесе оған тыйым салу ішкі істер органдарының құзырына жатқызылған. Осыған орай, сіздің өтінішіңіз онда көрсетілген мәселелерді қарау үшін «Жеке және заңды тұлғалардың өтiнiштерiн қарау тәртiбi туралы» Қазақстан Республикасы Заңының 7-бабының 6-тармағына сәйкес Қызылорда облыстық полиция департаментіне жолданды. Өтінішіңіздің қаралу нәтижесімен қабылданған шаралар жөнінде аталған органдардан білуіңізге болатындығын хабарлаймын. Бұл жауаппен келіспеген жағдайда, көшірмесін тіркеп жоғары тұрған прокурорға және сотқа шағымдануға құқылы екендігіңізді түсіндіремін. Облыс прокуроры Х. Дәуешов орын. Б.Жанадилов тел. 7242304
  • Сұрақ №: 47571
    Дата: 12.12.2018 10:16:59
    Аты-жөні: Сәулебекұлы Тасболат
    Сұрақ:
    Құрметті облыс пркуроры! Мен Шиелі ауданы, Жөлек ауылының тұрғыны Сәулебекұлы Тасболат осы арызым арқылы менің атымды жамылып, сіздің блогқа ауыл әкімі Б.Саховтың үстінен бірнеше арыз түскенін хабарлағым келеді. Соңғы арыз мынадай: «Сұрақ №: 47378 Дата: 21.11.2018 13:04:02 Аты-жөні: Сәулебек Тасболат Сұрақ: Құрметті Облыс прокуроры! Менің Сізге айтарым біздің Жөлек ауылы егесіз десем артық айтып отырған жоқпын. Себебі, су ішетін қоймамызды аудан әкімі бізге сатып алып берді. Бірақ ешкімнің атында емес. егесіз. Тамырдан спорт комплекс соғып берді. олда егесіз. Спорт аланқайы соғылды. олда егесіз. Ұлы отан ардагерлерінің суретін қойып парк соғып еді. бұзып алып кетті. Енді медпункт соғылып жатыр. қыста, сапасы қалай болады? олда егесіз бола ма? Тексеру келіп еді қалтасын қампайтып кетті. КРУ -ден. Ауыл тозып кетті. Әкім Базарбек бірде бар, бірде жоқ. Жеке жағдайымен. Біз ауыл тұрғындарына осыларды мемлекеттің балансына қойып, ауыл балаларының спортпен айналысуына толық жағдай жасап берулеріңізді сұраймын.» Бұл недеген сұмдық? Менің атымды неге пайдаланады. Мен құқымды қалай қорғаймын? Елден ұят болды! Қазіргі технология мен ақпараттың дамыған кезінде бұндай қылмыстарды ашуға болатын шығар. Сізден көмек күтемін. Менің атымнан жазған адамды ұстап, жазалануын сұраймын. Әбден уайыммен, ұяттан қажыдым. Көмектесіңіз! Арыз иесі Сәулебекұлы Тасболат. Жөлек ауылы. +7 701 263 24 48
    Жауап күні:
    2018-12-15
    Жауап:
    Т. Сәулебекұлына Құрметті Тасболат Сәулебекұлы! Менің блогыма Сіздің атыңыздан облыстық прокуратураға Шиелі ауданы, Жөлек ауылының әкімі Б.Саховқа қатысты арызды жазған тұлғаны тауып, оны жауаптылыққа тарту туралы өтінішіңіз «Жеке және заңды тұлғалардың өтініштерін қарау тәртібі туралы» Қазақстан Республикасы Заңының 7-бабының 6-тармағына сәйкес, Қызылорда облысының полиция департаментіне жолданғанын хабарлаймын. Өтініштің қаралу нәтижесі аталған органмен хабарланады. Бұл жауаппен келіспеген жағдайда жоғары тұрған прокурорға немесе сотқа шағымдануға құқылысыз. Қызылорда облысының прокуроры Х. Дәуешов орын. Ч.Есжанов тел. 272896
  • Сұрақ №: 47560
    Дата: 11.12.2018 17:11:55
    Аты-жөні: Сүйірбай Алмасбек
    Сұрақ:
    Құрметті прокурор! Осы әкімнің жұмыс уақыты қандай? Сағат 6 дан кейін үнемі жұмысында жоқ. Іздесен таппайсын. Шиеліден қатынайды. Келгелі ешқандай жұмыс істемеді. Неге ауылға көшіп келмейді. Учасковойда сырттан келген. вахтовый жұмыс істейтін сияқты. Іздесен таппайсын. Ауылмен жақын араласпаған әкім, учасковыйдан не пайда? Сізге өтініш әкіммен Нұрғалидің ауылға көшіп келуін өтінеміз.
    Жауап күні:
    2018-12-19
    Жауап:
    А. Сүйірбайға Құрметті Сүйірбай Алмасбек! Менің блогыма Сіздің жергілікті атқарушы және ішкі істер органдарының лауазымды қызметкерлеріне қатысты жазған өтінішіңіз «Жеке және заңды тұлғалардың өтініштерін қарау тәртібі туралы» Қазақстан Республикасы Заңының 7-бабының 6-тармағына сәйкес, Қызылорда облысының полиция департаменті және облыс әкімі аппаратына жолданғанын хабарлаймын. (14.12.2018 жылы №2-10-18-12718). Өтініштің қаралу нәтижесі аталған органмен хабарланады. Бұл жауаппен келіспеген жағдайда жоғары тұрған прокурорға немесе сотқа шағымдануға құқылысыз. Қызылорда облысының прокуроры Х. Дәуешов орынд: Қ.Ашимов тел.27-77-47
  • Сұрақ №: 47424
    Дата: 26.11.2018 16:08:18
    Аты-жөні: Азмаханова Гульмира
    Сұрақ:
    Қызылорда облыстық Прокуроры Дәуешов Халидулла Зинолла ұлына Қызылрда облысы Жалағаш кенті Стройтельный көшесі №8үй тұрғыны Азмаханова Гульмирадан Арыз Қызылорда облысы Жалағаш аудандық сотының 17.04.2014жылғы борышкер Жаңашев Қайрат Ыбашұлынан өндіріп алушы Азмаханова Гульмира Абузарованың пайдасына 1/3 бөлікте алимент өндіру туралы сот бұйрығы шыққан болатын. Алайда борышкер Жаңашев Қайрат Ыбашұлы алименттен жалтарып сот бұйрығын орындамай отыр. Жалағаш аудандық сот орындаушылары Б.Қожамұратов пен Б.Еркебаевқа қайта қайта шағымданып барғанымен еш нәтиже шықпады.Жалағаш аудандық қылмыстық істер жөніндегі бөлімшеге де барып қылмыстық іс қозғау жайлы арызданған болатынмын.Бірақ ол жақтанда арызыма жауап ала алмадым.Борышкер Жаңашев Қайрат 2015жылдан бері Жалағаш ауданы Жаңадария аулында «Магро»шаруа қожалығында егін бақша егумен жұмыс істеп келеді.Мен сот орындаушыларға Жаңадария ауылдық әкімшілігі мен шаруа қожалығының басшысына хабарласып мән жайды айтуды өтінген болатынмын,бірақ құрғақ уәдемен мені шығарып салды.Қазіргі уақытта мен 4бала өсіріп отырмын.Әкелерінен ешқандай көмек жоқ.2018жылдың 1маусымындағы мәлімет бойынша борышкер Жаңашев Қайраттың берешек қарыз сомасы 1 490 974теңге.Осы уақытқа дейін борышкерге ешқандай жаза көрсетілген жоқ,яғни сот орындаушыларынан ешқандай талап болған жоқ.Сонда борышкер осылай жүре бере ме? Сізден осы арызым арқылы борышкер Жаңашев Қайраттан берешек қарызымды өндіріп беруіңізді сұраймын. Арыз иесі: Азмаханова Г.А 20.11.2018жыл
    Жауап күні:
    2018-12-10
    Жауап:
    Г.А. Азмахановаға Құрметті Гульмира Абузаровна! Сіздің алимент өндіруге шаралар қабылдауды сұраған шағымыңыз облыстық прокуратурада іс құжаттарын зерттеу арқылы қаралды. Өзіңізге белгілі, Қ.Жаңашевтан алимент өндіру туралы 08.08.2017ж. қаулымен атқару өндірісі қозғалып, қазір жеке сот орындаушысы Б.Қожамұратовтың өндірісінде. Іс жүргізу барысында борышкердің «Магро» ШҚ-да маусымдық жұмыс жасайтыны анықталып, алимент ішінара өндірілген. Қазір Қ.Жаңашев жұмыссыз. Жеке сот орындаушысы алиментті мәжбүрлеп өндіру әрекеттерін жүргізіп, борышкердің заңнамалармен реттелген тәртіппен Қазақстан Республикасы аумағынан уақытша шығуын шектеп, «Беркут» жүйесіне енгізген. Сол сияқты, 24.01.2018ж. қаулымен Қ.Жаңашевтың атына тіркелген жылжымайтын мүлікке (Жалағаш кенті, Строительная көшесі, 7/2 үй) тыйым салынып, алименттен қалыптасқан 1 490 974 теңге қарыз есебінен осы мүлікті сіздің ортақ ұлдарыңыз Е.Ыбаштың атына рәсімдеуге борышкер келіскен. Қазір рәсімдеу жұмыстары жүргізілуде және оның барысы Жалағаш ауданы прокурорының бақылауында. Осы шағымды қарау барысында сізден менің атыма қосымша шағым түсіріліп, онда алименттен қалыптасқан қарыз аталған жылжымайтын мүлікпен өтелуде екенін айтып, алғашқы шағымды қараусыз қалдыруды сұрағаныңыз назарға алынды. Облыстық прокуратураның бұл жауабына келіспеген жағдайда жоғары тұрған прокурорға немесе сотқа шағымдануға құқылы екендігіңізді түсіндіремін. Қызылорда облысының прокуроры Х. Дәуешов
  • Сұрақ №: 47378
    Дата: 21.11.2018 13:04:02
    Аты-жөні: Сәулебек Тасболат
    Сұрақ:
    Құрметті Облыс прокуроры! Менің Сізге айтарым біздің Жөлек ауылы егесіз десем артық айтып отырған жоқпын. Себебі, су ішетін қоймамызды аудан әкімі бізге сатып алып берді. Бірақ ешкімнің атында емес. егесіз. Тамырдан спорт комплекс соғып берді. олда егесіз. Спорт аланқайы соғылды. олда егесіз. Ұлы отан ардагерлерінің суретін қойып парк соғып еді. бұзып алып кетті. Енді медпункт соғылып жатыр. қыста, сапасы қалай болады? олда егесіз бола ма? Тексеру келіп еді қалтасын қампайтып кетті. КРУ -ден. Ауыл тозып кетті. Әкім Базарбек бірде бар, бірде жоқ. Жеке жағдайымен. Біз ауыл тұрғындарына осыларды мемлекеттің балансына қойып, ауыл балаларының спортпен айналысуына толық жағдай жасап берулеріңізді сұраймын.
    Жауап күні:
    2018-11-26
    Жауап:
    Т.С. Сәулебекке Жөлек ауылы, Шиелі ауданы, Қызылорда облысы Құрметті өтініш иесі! Сіздің менің жеке блогыма 22.11.2018ж. келтірген Шиелі ауданы, Жөлек ауылына қатысты мемлекеттік мүліктердің иесіз жатқаны, осы ауылда салынып жатқан медициналық бекет жағдайы және ауыл балалары үшін спорт алаңын салу мәселесін қарау жөніндегі өтінішіңіз бойынша төмендегіні хабарлаймын. Өтінішіңізде көрсетілген мәселелерді қарау жергілікті атқарушы органның құзыретіне жатқызылғандықтан, өтініш негізінен қарау үшін Қызылорда облысы әкімі аппаратына жолданды. Оның қаралуы облыс прокуратурасының бақылауына алынды. Қорытындысы жөнінде Сізге осы органмен жазбаша түрде жауап берілетін болады. Бұл жауаппен келіспеген жағдайда, жоғары тұрған прокурорға немесе сотқа шағымдануға құқылысыз. Қызылорда облысының прокуроры Х. Дәуешов Орынд. Қ.Сыздықова Тел. (7242)270335

Беттер