Сұрақ-жауап

  • Сұрақ №: 50633
    Дата: 11.10.2019 18:37:24
    Аты-жөні: Оңталап Дәуірхан
    Сұрақ:
    Шағым Мен Оңталап Дәуірхан Оңталапұлы констиуциялық құқығым тапталғаннан кейін шағымды жазуға мәжбүр болып отырмын. 2015 жылғы 6 мамырдағы № 790 санды Тасбөгет кенті әкімінің шешімімен Қызылорда қаласы, Тасбөгет кенті, «Өркендеу» Бау-бақша серіктестігінен жалпы көлемі 800 ш.м «бағбандық» үшін табысталған жер учаскесін, басқа тұлғаның жер учаскесімен қабатасқан соң, 2016 жылы 20 маусымда Қызылорда қалалық сотының № 2-2638/16 санды шешімі негізінде Тасбөгет кенті әкімінің 06.05.2015 жылғы № 790 шешімінің күшін жойды. Себібі Тасбөгет кенті әкімі аппаратының және Қызылорда қалалық әкімдігінің құжаттарға салғырт қарау есебінен, бөгде тұлғының жер учаскесімен қабаттасып маған және отбасыма моралдық, материалдық шығын келтіріп жан күйзелісін тудырып отыр. Отбасымызбен бағбандық жұмыспен айналысамыз деп жоспаралған едік. Алайда кент әкімдігінің қызметкерлерінің және Қызылорда қалалық әкімдігінің азаматтарға қалай болса солай жер табыстау және алдын-ала жер учаскесіне зерделеу жүргізбеу салдарынан менің конституциялық құқығым бұзылып отыр. Бұл ретте маған берілген Тасбөгет кенті әкімінің 16.11.2017 жылы жауабында, Қызылорда қаласы, Сабалақ өңірі аумағынан, бағбандық үшін жер учаскелерін табыстау уақытша тоқтатқаны туралы аталып өткен. Менің констиуциялық құқығымды таптап, Тасбөгет кенті әкімдігі, сот шешімімен менің жер учаскем қабаттасуы анықталып, басқа жер учаскесін табыстау туралы сотқа бірнеше рет шағым берсемде, менен кейін анықталған жер учаскесі қабатасқан азаматқа жер учаскесін табыстап отыр. Атап айтқанда, 28 ақпан 2018 жылғы арызы негізінде, 2018 жылы 14 шілдеде азаматша Примбаева Кулжан Баймұратоваға жер учаскесі қабаттасуына байланысты Тасбөгет кенті, Өркендеу бау-бақша серіктестігінен 800,0 сегіз жүз шаршы метр жер учаскесі, Тасбөгет кенті әкімінің шешімімен табысталған. Сонымен қатар, Тасбөгет кенті әкімі 2018 жылы тағы сот процессінде жалған ақпарат беріп , жер табысталған жатқан жоқ деп тағы бас таратады. Қазақстан Республикасының Конституциясының 6 бабының 1 тармағында көзделгендей Қазақстан Республикасында мемлекеттік меншік пен жеке меншік танылады және бірдей қорғалады. Мен өз тарапымнан барлық жер учаскеме қатысты құжаттарды заң талаптарына сәйкес дайындап мемлекеттік тіркеуден өткіздім. Қазақстан Республикасының Конституциясының 26 бабының 3 тармағында көзделгендей соттың шешімінсіз ешкімді де өз мүлкінен айыруға болмайды. Заңмен көзделген ерекше жағдайларда мемлекет мұқтажы үшін мүліктен күштеп айыру оның құны тең бағамен өтелген кезде жүргізілуі мүмкін. Бұл ретте, басқа тұлғаның жер учаскесімен қабаттасқанның өзінде, сол жер учаскесінің құнымен тең бағалы жер учаске берілуі керек деп ата-заңымызда кепілдік берілген. Алайда олда жоқ. Кент әкімдігі және Қала әкімдігінің қызметкерлерінің сеніп тапсырылған міндеттеріне салғырт қарауы салдарынан мен зардап шегіп, материалдық моральдық зиян шегіп отырмын. Жоғарыда аталған жер учаскесіне қанша ақша шығарып құжаттар дайындап мемлекеттік тіркеудін өткізіп жер учаскемді тегістеп қоршау жұмыстарын жүргіздім. Тасбөгет кенті әкімі П. Шамұратов ҚР Конституциясының бірінші бабын ұмытып, адамдарды бөле жара қарап сыбайластыққа жол беріп отырма деген күдік тудырады. «Жеке және заңды тұлғалардың өтiнiштерiн қарау тәртiбi туралы» Қазақстан Республикасының 2007 жылғы 12 қаңтардағы Заңының 4 бабының 4 тармағына сәйкес өтiнiштердi қарау кезiнде төрешiлдiк көрiнiстерiне және әуре-сарсаңға жол беріп менің заң алдындағы құқығымды таптап отыр. Сонымен қатар Тасбөгет кенті әкімінің алдына кіру үшін, екі үш рет барғанда азаннан – кешке дейін қала әкімдігінде жиналыста, недеген бітпейтін жиналыс халықпен кім жұмыс жасайды. Жауапты мамандар барлығын әкім шешеді деп қайтарады. Жоғарыда аталғандардың негізінде, Сіздерден, Қызылорда қаласы әкімдігі Жер қатынастары бөлімінің басшысының жауапты мамандарының, Қызылорда қаласының Тасбөгет кенті әкімінің және кенті әкімі аппараты жауапты қызметкерлерімен жауапты мамандарының заңға сәйкес тәртіптік жауапркешілігін қарауды; Қызылорда қаласы, Тасбөгет кенті, «Өркендеу» бағбандық серіктестігі аумағынан, «бағбандық» үшін жалпы көлемі 0,0800 га жер учаскесін беруді сұраймын. «Жеке және заңды тұлғалардың өтiнiштерiн қарау тәртiбi туралы» Қазақстан Республикасының 2007 жылғы 12 қаңтардағы Заңында көзделген мерзімде жауап беруді сұраймын. Шағымданушы Д. Оңталап Қызылорда қаласы, Арай мөлтек ауданы Камал Шукенов көшесі № 132 үй тұрғыны Оңталап Дәуірхан Оңталапұлынан ЖСН: 881110300508 Тел: 87013837020 Сенім хат бойынша өкілі Н. Байменов Тел: 87072534220
    Жауап күні:
    11.11.2019 - 19:42
    Жауап:
    Құрметті Дәуірхан Оңталапұлы! Сіздің шағымыңыз бойынша, Қызылорда қаласының жер қатынастары бөлімі мен Тасбөгет кенті әкімі аппаратының әрекеттеріне (әрекетсіздіктеріне) келтірген шағымыңыз Қызылорда қаласы прокуратурасының 18.10.2019 жылғы №2-10-19-07515 санды хатымен Қызылорда қаласының әкімдігіне қарауға жолданды.
  • Сұрақ №: 50512
    Дата: 18.09.2019 15:11:18
    Аты-жөні: Аманов Нұрхан
    Сұрақ:
    Қызылорда облысы әкіміне,прокурорына Шиелі ауданы әкімі Ә.Оразбекұлына Шиелі ауданы прокуроры Ә.Зейноллаға Құрметті Шиелі ауданының прокуроры! Менің қозғайын деген сұрағым Жөлек ауылы туралы. 1. Жөлек ауылының тазалығы нашар. Ауылда жарық көшеде жоқ. 2. Жөлек ауылының кіреберіс көпірі апаттық жағдайда. (Екі – үш машина көпірден түсіп кетті). 3. Жөлек ауылын жарықтандырамыз электр бағаналарын әкелген. Соларды ауыл әкімі Б. Сахов бағаналарды кесіп кесіп әкімгершіліктің қорасын істеді. Қораны Абызбаев Бауыржан тегін істеп берді. Қораға бөлек ақша бөлінген. (Ол жоқ) 4. Жеңістің 70жылдығына саябак ардагерлер суретін койып ескерткіш істетіп еді. Оны алып тастады да, клубқа апарып қойды. 5. Спорт аланына күрделі жөндеуге (газонға) 2 000 000 акша болді. Газон жок. 6. Ауылдын ауыз суын жеке адамнан сатып алып беріп еді аудан әкімі. Қайтадан жекеге берді. 7. Мия тамырынан спорт комплекс соғып еді. Оны да Абызбаев Бауыржан жеке адам пайдаланып кетті. Сәулебеков Қанаттың атына аударып беремін деп уәдесін беріп еді Абызбаев алдап жүр. Спорткомплексті Сәулебеков Қанаттың алғанын қалайды ауыл тұрғындары. 8. Жөлек әкімдігіне барсан толған биржанын адамдары.Отырып шемішке шағып, шай ішкеннен басқа ешнәрсе білмейді. Үйдің, машинанын, т.б налог жинайды. Квитанция бермейді. Алдында салықшы болып істеген Дидарда ақшамызда алып, төлемей кетіп қалды. кейіннен салықты қайтадан төледік. Мамандары кайда. Сағат 6 дан кейін адам таппайсын. Осы айтылған мәселерге кім жауап береді. Ауылға еге кім. Неге мемлекеттің қаражатына суға кете береді. Спорт комплекс ті халықтың жеріне соғады. Неге халыққа бермейді. Халықтың мал жайылым жері жоқ қазір. Ауылға неге жаны ашымайды. Ен болмаса мемлекеттің қаржысына қол сұқпаса деймін. Бұл арыз емес. Жай халықтың жан айқайы. Касына әкім өзінің сөзін сөйлейтін дерді жинап келген тексеруді кайтарады. Тамырды Абызбаевтардан басқа ешкім істемеу керек пе? Басқалар тамыр терсе әкім қуып шығады. Ауылда мал өтетін көпір суға кетіп, малдар өте алмай жатыр. Жайылатын жер жоқ. Көпірге ауыл тұрғындары ақша жинап өздері істеп жатыр. Әкімге айтса құлақ аспайды. Сонда әкім болып не үшін отыр. Жөлек ауылының тұрғындары атынан: Осы мәселелерді шешіп беруіңізді өтінеміз. Бұл арыз емес шындық.
    Жауап күні:
    29 қазан, 2019 - 12:18
    Жауап:
    Құрметті Нұрхан Аманұлы! Сіздің Жөлек ауылының әлеуметтік тұрғыда қолайсыз жағдайлардың орыналуына және заңдылықты бұзушылықтарға қатысты жазған хатыңыз Шиелі аудандық әкім аппаратына және Сыбайлас жемқорлыққа қарсы іс-қимыл ұлттық бюросының (Сыбайлас жемқорлыққа қарсы қызмет) Қызылорда облысы бойынша департаментіне жолданды. Нәтижесі аталған органдармен хабарланады.
  • Сұрақ №: 50470
    Дата: 11.09.2019 15:45:43
    Аты-жөні: Аманұлы НҰРХАН
    Сұрақ:
    Құрметті облыс прокуроры Бижанов мырза. Осы мемлекет тарапынан беріп жатқан 21000 тенгені кімдер алады. Жөлек ауылында 21000тенгені кəсіпкерлер, малы көптер алып жатыр. Осы дұрыс па? Осыны неге заң тарапынан қарамайды. Бəрінің жағдайы жақсыақша алып жаткандардын. Акиматта Ансар деген жігітке бір нəрсе берсе болды дейді. Құжаттарға қарамай өткізе береді екен. Осыны тексеруіңізді сұраймын. Өтінемін.
    Жауап күні:
    30.10.2019 - 17:38
    Жауап:
    Сіздің атаулы әлеуметтік көмек тағайындауға қатысты білдірген пікіріңіз бойынша төмендегіні түсіндіремін. «Жеке және заңды тұлғалардың өтініштерін қарау тәртібі туралы» Қазақстан Республикасы Заңының 1-бабының 4)тармақшасына сәйкес, өтініш - өтiнiштi қарайтын субъектiге немесе лауазымды тұлғаға жiберiлген жеке немесе ұжымдық жазбаша, ауызша не электрондық құжат, бейнеконференцбайланыс, бейнеөтініш нысанындағы ұсыныс, арыз, шағым, сауал немесе үн қосу болып табылады. Сондықтан сіз жазбаша өтініштерге қойылатын заң талаптарын сақтай отырып, уәкілетті мемлекеттік органдарға сіздің жағдайда, Қызылорда облысының жұмыспен қамтуды үйлестіру және әлеуметтік бағдарламалар басқармасына өтінішпен жүгіну қажеттігін түсіндіремін.
  • Сұрақ №: 50440
    Дата: 04.09.2019 12:49:05
    Аты-жөні: Қалтаев Мұстафа
    Сұрақ:
    Менің сұрағым 28.04.2017 жылы ұялы телефон ұрлығы бойынша № 1743100300 санымен тіркелген №17431003100 санымен Қалалық ІІБ тергеу бөлімінің тергеушісі Е.Тәуекел қылмыстық істі тіркеген болатын тергеуші түсіндіру барысында ұялы телефон жіті қадағалауда болады және қосылған мезетінде дереу ізін кесіп ұстайтындығын және үнемі байланыста болатындығын айтып сендірген болатын, содан бері тергеуші қызметіне салғырт қарайтындығын дәлелдеп еш хабарсыз кетіп және берген байланыс нөмері үнемі сөндірулі және ұялы телефоным 2019 жылдың 17 тамызына дейін қосулы болып қолданыста болғанын арнайы бағдарламаның(найти устройство) көмегімен көзімді жеткізіп қосымша (скреншот) дәлелдемесін сақтап алдым. осы жағдайға байланысты тергеуші мырза қозғаған қылмытық істі аяғына дейін жеткізіп ұрланған ұялы телефонымды тауып қылмыскерлерді өз дәрежесінде жазалауды талап етулеріңізді сұраймын тел: 87759791995
    Жауап күні:
    29 қазан, 2019 - 11:49
    Жауап:
    Қалалық полиция басқармасымен 29.04.2019ж. М.Қалтаевтың ұялы телефонның ұрлану дерегі (шығын 75 000 теңге) бойынша ҚК-тің 188-бабының 1-бөлігімен тергеу әрекеттері басталған. Тергеп-тексеру нәтижесімен 13.05.2019ж. қылмыстық іс бойынша құқық бұзушылық жасаған адамның анықталмауына байланысты мерзімі үзілген. Қазіргі уақытта қалалық прокуратураның нұсқауына сәйкес іс тергеуі қайта жалғастырылып, қылмыстық қудалау органына істі дұрыс шешуге қажетті және жеткілікті мән-жайларды жан-жақты, толық және объективті зерттеу жөнінде тапсырма берілді. Тергеп-тексеру барысы қалалық прокуратураның тікелей бақылауына алынды.
  • Сұрақ №: 50425
    Дата: 02.09.2019 17:48:17
    Аты-жөні: Елеуов Ғалымжан
    Сұрақ:
    Құрметті прокурор мырза! Менің қояр сұрағым 2015 жылы жылдамдықты асыру бойынша айыппұл салынған болатын.Осының негізінде айыппұлды 05.12.2015 жылы толық өтеп төлеген болатынмын.Мөрі қойылған түбіртек те бар.Осы али базыдан айыппұл төленбеген,өшпеген деп шығып тұр. көшірмесі бар. Е-гов барлық сайттарда төленбеген деп тұр. Оған қоса, автоураган автокөлігі қайта-қайта тоқтатып айыппұл толенбеген деп тоқтатуда. Квитанцияны көрсеткеннен кейін жіберед.Осыған орай, жан-жақты зерттеп, осы мәселені шешуіңізді сұраймын.Алдын-ала рахмет!
    Жауап күні:
    30.10.2019 - 17:40
    Жауап:
    Сіздің, өзіңізге қатысты қолданылған әкімшілік жазаға қатысты білдірген пікіріңіз бойынша төмендегіні түсіндіремін. «Жеке және заңды тұлғалардың өтініштерін қарау тәртібі туралы» Қазақстан Республикасы Заңының 1-бабының 4)тармақшасына сәйкес, өтініш - өтiнiштi қарайтын субъектiге немесе лауазымды тұлғаға жiберiлген жеке немесе ұжымдық жазбаша, ауызша не электрондық құжат, бейнеконференцбайланыс, бейнеөтініш нысанындағы ұсыныс, арыз, шағым, сауал немесе үн қосу болып табылады. Сондықтан сіз жазбаша өтініштерге қойылатын заң талаптарын сақтай отырып, уәкілетті мемлекеттік органдарға сіздің жағдайда, Қызылорда облысының полиция департаментінің әкімшілік полиция басқармасына өтінішпен жүгіну қажеттігін түсіндіремін.

Беттер