Сұрақ-жауап

  • Сұрақ №: 7701
    Дата: 08.04.2014 15:34:42
    Аты-жөні: Сапар Жандос
    Сұрақ:
    Құрметті Прокурор мырза! Мен Шиелі кентінің тұрғынымын. Мені мазалаған сұрақ, біздің елде Халыққа қызмет көрсету орталығы жұмыс жасайды. Шиелі ауданында Халыққа қызмет көрсету орталығының бастығы Сейлов Медет. Алдыңғы уақыттарда халық тарапына қажетті справкалар тегін және тез көрсетілетін. Ол бізді әбден қанағаттандыратын. Қазіргі уақытта ХҚО барып қажетті анықтама алу үшін сенің электронды цифрлық қолтаңба алуға мәжбүрлейді. Сонымен қатар, қолтаңбаны алу үшін түсініктеме беру немесе алу жолдарын көмек берудің орнына ХҚО ішінен жеке мекемені отырғызып қойып, әр қолтаны алу үшін 400-500 теңге төлем алып отыр. Мен ойлаймын бұл ақылы қызмет жергілікті басшылардың жасап отырған бизнесі деп. Себебі, елге қажетті анықтама кейбір кісілерге бір немес екі рет қажет болуы мүмкін. Ал кейбір тұтынушыларға электронды қолтаңба үнемі жұмыс барысында пайдалануға қажет юболуы мүкін және бұндай кісілерге қолтаңбаны алу қажеттіг туандайды. Осы тұрғыдан ХҚО ішінде халыққа ақылы қызмет көрсетудің заңдылығы туралы толық түсініктеме беруіңізді сұраймын. Себебі мен қолтаңбаны алу ақылы түрде беру туралы ешқандай жерде көрсетілмегенін байқадым және аталған қызмет заңсыз деп ойлаймын. Осыған орай қажетті шаралар жүргізіп заңсыз болған жағдайда жауапты кісілердің заң жүзінде жазаға тартылатынына сенім білдіремін. Менің өтінішім қараусыз қалмайды деп ойлаймын. Егер белгілі тәртіпте жауап ұсынылмаған жағдайда Бас прокуратураға жүгінуіме тура келеді. Алдын ала үлкен рахметімді білдіремін.
    Жауап күні:
    2014-05-06
    Жауап:
    ҚР БП блогына жауап
  • Сұрақ №: 7652
    Дата: 05.04.2014 14:19:37
    Аты-жөні: Утепбергенов Едіге
    Сұрақ:
    Құрметті облыс прокуроры! Мен Арал қаласында туып, өсіп, қазір тіршілік қамымен сыртта жүрген азаматпын, туған қаламның жетістігіне қуансам, кемшілігі болса көңілім қағажу табады. Енді сырт көз сыншы дегендей жақында ауылыма барғанда жағымсыз жайдың куасы болдым. Арал қаласының ортасында әлімсақтан келе жатқан, кезінде небір күл-қоқыс төгілген он бес шақты сор көлшік бар, яғни өлі жер, осы жерлер екі-үш жылдың көлемінде беті топырақпен көмілді, ал бүгінгі күні осы сорлардың үстіне әлде басшылардың таяз ойлауы, болмаса әдейі қасақана істеліп жатқан шаруа ма, бұрынырақта мектеп салынды, енді жаңадан бала-бақшаның құрылысы басталыпты.Ойланған адамға біріншіден өзіміздің келешегімізге балта шауып жатқан жоқпыз ба, кішкентай бүлдіршіндер азаннан кешке дейін сол сордың үстінде ойнайды, екіншіден таза ауа жұту үшін ол жерді көгалдандыру керек, бірақ ол мүмкін емес, еккен талың болмаса гүл, шөп шықпайды.Осы жерде маған бұрынғы 60 жылдардағы совет ғалымдарының Арал теңізінің мақтанышы балықтарын құрту үшін істеген іс-әрекеті ойға оралады, яғни теңізге бычок деген кішкене лақа сияқты балық жіберген , ол балықтың шашқан уылдырығын жеп құртады екен. Жоғарыдағы негізде сұраймын:1.Арал қаласында басталған бала-бақша құрылысын тез арада тоқтатып, бөтен жерге көшіруді. 2.Халық қаражатын желге ұшырған жауапты тұлғаларға шара көруді.
    Жауап күні:
    2014-04-10
    Жауап:
    арыз жолдау
  • Сұрақ №: 7650
    Дата: 04.04.2014 21:14:48
    Аты-жөні: Арыстанбай Ануарбек
    Сұрақ:
    Жазған хатқа неге атын дұрыс жазбайды деп ойлайтын шыгарсыздар. атымызды айтсақ арыз қой деп шыгады. тиіседі директор. білгенің істеп жүрген директорлар бар . осының бәрі шындық.жел тұрмаса шөптің басы қимылдамайды гой. ренжименіздер. маган тиіскен адамдарга жауап қана.
    Жауап күні:
    2014-04-15
    Жауап:
    А.Арыстанбайдың ҚР БП блогына жазған өтінішіне жауап
  • Сұрақ №: 7247
    Дата: 18.03.2014 10:39:18
    Аты-жөні: Тулегенова Индира
    Сұрақ:
    Қызылорда облыстық прокуратурасының бастығына Қызылорда қалалық прокуратурасының бастығына Қызылорда облысының Сот актілерін орындау Департаментінің бастығына Тулегенова Индира Жанабаевнадан Қызылорда қаласы, Жандосова көшесі №25 корп. №5, № 1 үй 8 705 506 13 77 А Р Ы З Осы арызым арқылы Сіздерден Қызылорда қалалық сотының 23.09.2010 жылы шығарған борышкер Орикбаев Абат Тулегеновичтен алимент өндіру туралы сот бұйрығы шыққан болатын бірақ осы күнге дейін мен алимент алған жоқпын, сот орындаушы Ә.Айбосынова ешқандай әрекет жасамай, қазіргі кезде жүктілік демалысына кетіп қалған. Сот орындаушының осондай жауапсыздығынан борышкердің есеп-шоттарынан жылжитын және жылжымайтын мүліктерінен өндірілмеген. Өзінің әкелік міндетін ең болмағанда борышкер осылай көрсететін шығар деп ойлаймын менің аналық арызымды қабылдап, «Атқарушылық iс жүргiзу және сот орындаушыларының мәртебесi туралы» Қазақстан Республикасының Заңын негізге ала отырып борышкер Орикбаев Абат Тулегеновичтен алиментті есеп-шоттарынан жылжитын және жылжымайтын мүліктерінен өндіріп беруіңізді сұраймын. И.Ж. Тулегенова 09.03.2014 жылы
    Жауап күні:
    2014-04-16
    Жауап:
    И.Ж. Тулегеноваға Жандосова көшесі, №25 корп. №5, №1 үй Қызылорда қаласы Облысы прокуратурасымен Сіздің борышкер Орикбаев Абат Тулегеновичтен алимент берешегін өндіріп беруге ықпал жасауды сұраған арызыңыз қаралды. Анықталғаны, Сіздің пайдаңызға борышкер А.Орикбаевтан алимент өндіру туралы сот актісі бойынша 01.10.2010 жылы сот орындаушысы Б.Баймахановпен атқарушылық іс жүргізу қозғалғаннан кейін сот орындаушысы А.Айбосынованың, соңынан сот орындаушысы Л.Қанатбаеваның өндірісіне өтіп, атқару құжаты бойынша атқарушылық әрекеттер уақытылы және толық жүргізілмеген. Атап айтқанда, сот орындаушылармен борышкер А.Орикбаевтың «Ақ Орда» ЖШС-де жұмыс істейтіні 04.02.2011 жылы, кейіннен «Қалалық қосымша білім беру оқу-әдістемелік орталығы» МКҚК-да жұмыс істейтіні 03.05.2013 жылы біршама уақыт өткеннен кейін кеш анықталып, алимент төлемдерінің дер кезінде өндірілуі қамтамасыз етілмесе, басқа да атқарушылық әрекеттер толық жүргізілмеген. Осыған орай, прокуратурамен облыстық сот актілерін орындау Департаментіне заңдылықты бұзушылықтарды жою, алдағы уақытта болдырмау және борышкердің әкімшілік, кінәлі сот орындаушыларының тәртіптік жауапкершіліктерін шешу туралы ұсыныс енгізілді. Атқарушылық құжаттың орындалу барысын Қызылорда облысы Сот актілерін орындау департаментінен білуге болады. Сот актісін орындау барысында сот орындаушыларының әрекеттерімен немесе шешімдерімен келіспесеңіз, Қазақстан Республикасы Азаматтық іс жүргізу кодексінің 240-5 бабына сәйкес, сотқа да жүгінуге құқылысыз. Осы жауаппен келіспесеңіз, көшірмесін тіркей отырып жоғары тұрған прокурорға шағымдануға құқылы екендігіңізді түсіндіремін. Облыс прокурорының орынбасары Р. Райханов орынд.: Б.Елшібеков тел.: 270201
  • Сұрақ №: 7049
    Дата: 08.03.2014 20:55:21
    Аты-жөні: Нурумов Кайрат
    Сұрақ:
    Казалыда Нурсауле деген сот айел бар. Ози нотариустармен биригип талай адамдардын уйин биреулерге алып берген. Казир Рауан деген баласына "Зан зангары" деген мекеме ашып берип, Рауан журтты зар каксатып отыр. Ашыкбай деген азаматтын мулкин сыртынан сатып, оформит еткен. Ергали Толепов деген кисинин Мурат деген баласынын дуниесин зан зангары олген адамнын атынан аударып берип, балаларын зарлатып отыр. Оздерин истеген исине жауап беремин деп, журтты алдап жарнамалап отыр. Адамдар оган сенип барады. Коп адамдар Зан зангарына сенип акшасын берип кайтара алмай жур, ойткени онын шешеси Нурсауле сотта "крыша" болып отыр. Шешеси Сотта крыша болсын, сонда осындай алаяктарга шектеу коятын, Халыкка Зан тусиндиретин Адилет, салык полициясы, прокуратура кайда карап отыр? Алде бари сыбайласпа?
    Жауап күні:
    2014-03-14
    Жауап:
    арыз жолдау

Беттер